Love & Loss

冯允谦推出新碟纪录经历过的爱与失去　自爆太投入拍摄致情绪低落 冯允谦（Jay Fung）今年多首派台歌都夺得好成绩，由《报复式浪漫》、《Freakin' Nightmare》、挚亲离世无法出席演唱会有感而法写的《给缺席的人唱首歌》和送给受情伤的朋友《Take A Breath》等，全部都登上流行榜冠军位置，Jay于今日（28日）再宣布推出新碟《LOVE & LOSS》。 提到新碟主题「爱与失去」，Jay Fung说：「2021年嘅时候，我感到屋企人、朋友，Fans都俾咗好多爱我，开始造新碟时写好嘅歌关于『爱』，旋律比较轻快和开心。」所以就创作了甜蜜情歌《报复式浪漫》，之后的创作亦随着经历和感受作为灵感：「大约今年三月时感到好忙，好多事情发生，无得放假，写咗一首《Freakin' Nightmare》。七月举行咗我首个个人演唱会，好可惜嫲嫲嚟唔到，我写咗首歌《给缺席的人唱首歌》送畀嫲嫲。今次专辑除咗爱情歌，仲有啲歌写失去和遗憾，纪录我嘅成长阶段，影嘅相亦都比较成熟。」 去年Jay的唱片配合吸血鬼三步曲，以红黑色为主调，充满电影感。今次全新专辑《LOVE & LOSS》走成熟风格，以沉实色调。唱片封面Jay颈后有纹身，手臂和脸上有伤疤特技化妆，像真度极高，他笑说：「大家唔使惊，唔使心痛，系特技化妆，好似呀！」 为配合拍摄概念，Jay承认情绪低落了大半天，拍摄期间还眼红红：「LOSS部份设计师和摄影师想用伤和痛去表达，除咗以纹身和伤疤化妆加强感觉，仲影好多感觉好沉重嘅相，拍完成个人情绪down咗好耐！呢个经历好特别，有少少辛苦，但出嚟啲相我好满意，同平时嘅我好唔同，畀大家见到我另一面。」